Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net
Haberlär

Hadi olalım insan

Geçer yıllar, ucêr günnär,
Ama aklım salt bir şeydä.
O sendä benim Bucaam,
O sendä, sadä sendä.

Düşündüm, düşündüm,
Sorayım insana:
Sanki ne en paalı bu garip dünnedä?
Zenginnik mi?
Bilgilik mi..?

Neyä cuvap işittim,
Hiç diil yakın canıma,
Hepsinin aklında salt para,
Salt para…

Elbetki hepsi bunnar
Lääzımnıdır bizä,
Ama kimsey sölämeer
“Ana”, ya “aylä”…

Herkezi aldanmış,
Herkezi satılmış
Bu kirli paraya, yapraktan parçaya.
O diiştirmeyecek bizä
Bu ana gülüşünü,

Ya booday kokusunu,
Ya yavklu öpüşünü…
Bir filcan suyunu
İhtiarlıkta uzatmayacek,
Üzünä dä bakmayacek,
Zor vakıtta sarmaşmayacek.

E ne için ozaman
Aldanmaa bu şeytannaa
Da unutmaa bizim Bucaa,
Gitmää taa zengin topraa?

Orada diil o insannar,
Orada diil o soluk.
Nekadar da olmasa bolluk,
Ana taraftan yoktur hoşluk.

Hadi olalım insan,
Satılmayalım bişeyä.
Taa islä ii yaşamak
Düzelim ana erdä.

Hepsi olacek sevgili,
Ama en önemni bu fikir:
Ana erdä bän en kısmetli!

İrina MAKRİ, Tülüküü, 7-ci klas

 

Gagauziya kultura hem turizm bakannıı Gagauzların IV dünnä kongresi için hazırladı turizm kiyadını.

Gagauziya kultura hem turizm bakannıı Gagauzların IV dünnä kongresi için hazırladı turizm kiyadını.
Belli etmää deyni Gagauziyanın şannı erlerini bu kiyat verilecek gagauzların IV dünnä kongresin pay alıcılarına.
Kultura hem turizm bakannıın uzmanı Lübov Dimçoglo açıkladı: “Bu kiyatta olacek Gagauziya Başkanın danışmak sözü, kongresin programası, karta-shema, hem 5 turist yolu Gagauziyanın şannı erlerinä: Komrat kasabanın, Beşalma, Avdarma hem Haydar küülerin muzeyleri, Şan Aleyası, “At Prolin” at ferması, çadır monastıri, Coltay etno-evi, “Karagani” ev şarapçılıı, Kongaz küüyün etno-turist kompleksi hem zapovednik”.
Şindi kiyat taa hazırlanȇr.

 
Gagauziya Bilim – Aaraştırma Merkezi hazırladı “Bilgilär” jurnalın proektini gagauzların IV kongresi için.

Gagauziya M.V. Maruneviç adına Bilim-Aaraştırma merkezi gagauzların IV dünnä kongresi için hazırladı “Bilgilär” jurnalın proektini. Bunu söledi Gagauziya BAM direktoru Pötr Paşalı.
O belli etti, ani “Bilgilär” – olacek ilk jurnal, neredä tiparlanacek politik adamnarın, Gagauziya bilim adamnarı hem sınır aşırı bulunan gagauzların statyaları.
“Bilgilär” jurnalı tiparlanacek da biz verecez onu gagauzların IV dünnä kongresinin hepsi pay alıcılarına. Bu bölä ilk bir jurnal. Onda tiparlanacek diil sade politik adamnarın, Gagauziya bilim aaraştırmacıların statyaları, ama sınır aşırı bulunan bizim vatandaşlarımızın, bilim adamnarın statyaları da, angıları işleerlär Rusiyada, Türkiyedä, Amerikada, Kanadada,” – söledi Pötr Paşalı.
Gagauziya Bilim – Aaraştırma Merkezi direktoru belli etti, ani jurnalda olacek 400 sayfa da çıkacek o bır kerä yılda.
“Hep ölä gagauzları IV dünnä kongresi için Gagauziya Bilim – Aaraştırma Merkezi hazırladı “Gagauziya simvolları” kiyadını da”, - söledi Pötr Paşalı.
Bundan başka, gagauzların IV dünnä kongresi için hazırlanȇr iki elektron kiyadı, angılarını hep verilecek kongresin pay alıcılarına.
“Bir kiyat anılmış bilim adamın, Gavril Gaydarcının, gagauz dilindä “Dizi-dizi boncuklar”. Öbürü dä anılmış üüredicinin Tülü küüyündän Saveliy Ekonomovun kiyadı. Onun monografiyası, nereyi girdi türlü annatmalar gagauz tematikasına. Bän sanȇrım, bu kıyatlar olaceklar pek meraklı okuyuculara, çünkü onnar yazılı gözäl gagauz dilindä”, belli etti Bilim – Aaraştırma merkezin direktoru.
Pötr Paşalı belli etti, ani bu kiyatları hazırlayacek Bilim-Aaraştırma merkezi gagauzların IV dünnä kongresi için, ama onnarda başka kongresin pay alıcılarına verilecek taa başka materiallar da.

 

Gagauziya Başkanı belli etti Gagauzların IV dünnä kongresin neetlerini hem daavalarını

 

Gagauzların IV dünnä kongresini geçirmäk için brifing